uzdik ergonomika — Балбулак

КАБИНЕТТЕР МЕН ТОПТАРДАҒЫ ЖИҺАЗДЫҢ КЕҢІСТІГІ МЕН ЭРГОНОМИКАСЫНА ТАЛДАУ

Мектепке дейінгі ұйымның білім беру ортасының қауіпсіздігі мәселесі өзекті болып келеді, сондықтан ол балаларды физикалық және психологиялық қауіптен қорғау фактісі ретінде қарастырылады. Мектепке дейінгі жас физикалық және психикалық денсаулықтың негізін қалыптастыруда шешуші фактор болып табылады.Сондықтан, бөбекжайдағы балаларға арналған жиһаздың кеңістігі мен эргономикасына талдау жасау барысында, балаларға арналған жабдықты таңдау кезінде басты назарда баланың жайлылығы мен қауіпсіздігі ескерілді. Бөбекжай дизайны кеңістікті барынша пайдалану қамтамасыз етілген. Заттық дамытушы орта немесе қолданылатын жиһаз балалардың әр жас санатына сәйкес келеді. Кабинеттер мен топтардың пәндік-дамытушылық ортасы және эргономикасы: Түстері: ақ төбе, су дисперсиялық интерьер бояумен топ бөлмелері ашық сары, ашық жасыл және ашық көкшіл түстермен боялған. Топтың және кабинеттердің интерьерінде: жиһаздар, кілемдер, ойын бұрыштары, ойыншықтар, жақтаулардағы плакаттар. Кабинеттер мен топтардағы ашық түстегі есіктер, едендер мен қабырғалары, кең әрі тартымды әсер береді.

Дамытушы ортаның бірі -аула

Біз NCOC-компаниясымен бірнеше жылдан бері ынтымақтастықта жұмыс жасап келеміз. Бұл компания өкілдері қайырымдылық шараларына қатысып, өз жұмыстарын толық жауапкершілікпен атқаруда. Олардың жауапкершілігінің арқасында 2020 жылдың жазында бөбекжайымыздың ойын алаңдарын кіші ойын формаларымен жасақтап беруге атсалысты. Ашық түсті әткеншектер, құмсалғыштар, әдемі үйшіктер мен әдемі күнен қорғаушы шатырлар балаларға қуаныш пен жағымды эмоциялар сыйлайтыны сөзсіз. Мұның бәрі бөбекжай тәрбиеленушілеріне жан-жақты дамуына мүмкіндік береді. NCOC-компаниясы жұмысты сапалы және қысқа мерзімде орындайтыны қуантады. NCOC-компаниясының ұжымына алғысымыз шексіз! Қазіргі таңда бөбекжайымыздың барлық ойын алаңдарында үлкен және кіші сырғанақтар, әткөншектер, әдемі биік үйшіктер, түрлі формадағы ертегі үйшіктері ауланың көркін келтіріп тұр. Педагогтеріміз жайлы аулада ойындар, іс-шаралар, эстафеталық ойындар ұйымдастырып отырады. Аталған барлық шараларды өткізу ойын алаңдарында өте ыңғайлы. Сонымен қатар бөбекжай аумағында жаздық «Амфитеатр» бар. 1–қыркүйек «Білім күні», 1- маусым «Балаларды қорғау күні» және жазғы әр түрлі тақырыптағы іс-шаралар осы Амфитеатрда өткізіліп тұрады.

ЖИҺАЗДЫҢ КЕҢІСТІГІ МЕН ЭРГОНОМИКАСЫНА ТАЛДАУ

ПСИХОЛОГ КАБИНЕТІ

Бөбекжайда психолог кабинеті жүйелі жұмыс жасап тұр.
Кабинетте балалардың жан-жақты дамуына, жеке тұлға қалыптастыруға арналған материалдар жеткілікті. Оқу іс-әректтері белсенді ынталандыруды релаксациямен ауыстыра отырып, ойын түрінде өтеді. Психолог кабинеті түрлі түсті жарықтар шашатын сенсорлық шармен, денсаулық жолдарымен, дыбыстық жабдықтармен жабдықталған.

Мектепке дейінгі жастағы балалардың психикалық, эмоционалды және интеллектуалдық дамуына тікелей әсер ететін құрал жабдықтар бар.

Жиһаздың кеңістігі және эргономикасы міндеттері:
• жайлылықты, қауіпсіздікті, тиімділікті қамтамасыз ету;
• физикалық ауыртпалықтарды, ыңғайсыздықты, қауіпті жағдайларды жою;
• құрал-жабдықтарды, жұмыс процесі мен шарттарын жақсарту.

Бөбекжай жоспарына сай жеке маман ретінде психолог ата-аналарға ашық есік күндерін ұйымдастырып отырады.

Табиғаттағы тыныс тірішілік

Табиғат адамзаттың, жалпы тірішілік атаулының ежелден өмір сүріп келе жатқан ортасы, алтын бесігі. Адам бар жоғы бір-екі минуттай ғана дем алмай тұра алады. Сондықтан дана халқымызда «ауадай қажет» деген сөз бар. Сонымен қатар «Адамзаттың табиғатсыз күні жоқ, мұны айтуға табиғаттың тілі жоқ» деп бекер айтпаған. Баланың жүрегіне туған жеріне деген сүйіспеншілікті дұрыс жеткізу, өз еліне деген махаббатын ояту, қамқор болуға үйрету ол біздің міндетіміз.

Бөбекжайымызда аулалардағы жасыл желектерге, жеміс ағаштарына, талдарға қамқорлық жасау, уақытында суару, күтіп баптау сияқты жұмыстар жүргізіліп отырады. Ауламызда жеміс ағаштарынан: өрік, айва, алма, алмұрт отырғызылған. Сонымен қатар раушан, итмұрын, намазгүл, қоңыраугүл гүлдері отырғызылды.

ҰЖЫМДАҒЫ БІРЛЕСКЕН СЕНБІЛІК!

Ағымдағы жылдың сәуір айында бөбекжай ауласын көгалдандыру, абаттандыру, тазалықты сақтау мақсатында сенбілік өтті.Сенбілікке бүкіл ұжым қызметкерлері қатысты. Бөбекжай ауласындағы талдар мен бұталардың түбін қопсыту, тазалау, спорттық алаңды сырлау жұмыстары бір жағадан бас, бір жеңнен қол шығарып дегендей бірлесе атқарылды. Ұжымдағы барлық қызметкерлерге алғыс айтамыз!