Бөбекжайымызда консультациялық пунктің жоспарына сәйкес бірқатар шаралар өтілуде. Атап айтсақ 9 қаңтар күні “Өнегелі 15 минут” бағдарламасы негізінде қазақ тілі маманы Саида Қазиханқызының ұйымдастыруымен “Ертегі терапиясының маңызды аспектілері” атты ата-аналарымен тренинг ұйымдастырылды. Тренинг барысында ертегі терапиясының берер пайдасы мен маңызды тұстары, оларды балаға ұғынықты жеткізу жолдары, ертегі оқылғаннан кейінгі баламен диалог жүргізудің өзектілігі талқыланды. Сондай-ақ ата-аналар кітап оқу, баламен қызықты уақыт өткізуге байланысты өз кеңестерімен бөлісті. Кездесу барысында облыстық кітапхананың тұрақты оқырманы болған анамыз пайдалы мәліметтермен бөлісіп, тәжірибесін айтты.
